Trajneri i Kombëtares shqiptare Edi Reja ka bërë të ditur listën me emrat e 23 lojtarëve të ftuar për miqësoren e 9 nëntorit ndaj Katarit.
Pjesë e grumbullimit janë lojtarët që ishin edhe në miqësoren me Arabinë Saudite. Ndërkohë që këtë herë mungojnë disa nga futbollistët që aktivizohen me klubet e huaja.
Advertisement
Të gjithë lojtarët e tjerë aktivizohen në kampionatin shqiptar, teksa për herë të parë janë ftuar Herald Marku, Serxho Ujka, Mario Dajsinani apo Arbin Zejnullai.
Ndeshja miqësore Shqipëri-Katar do të luhet në stadiumin e Marbellas në Spanjë dhe do të nisë në orën 18:30. Kjo do të jetë përballja e tretë në histori mes Shqipërisë dhe Katarit, që të gjitha në ndeshje miqësore.
Advertisement