Skënderbeu humbet shërbimet e talentit Nikaj, shkodrani do të operohet

Pinterest LinkedIn Tumblr +
Skënderbeu humbet shërbimet e talentit Nikaj, shkodrani do të operohet

Lajme të këqija për Skënderbeun në tetë javët e fundit të kampionatit. Sikur të mos mungonte pozicioni i vështirë që kanë në renditje, korçarët humbasin talentin shkodran Ardit Nikaj për pjesën e mbetur të sezonit. Dëmtimi i pësuar ndaj Tiranës në ndeshjen e fundjavës së kaluar në Korçë ka qënë më i rëndë nga sa pritej për 19 vjeçarin shkodran.

Nikaj ka lënë fushën e lojës me barrel duke mos mundur të vijojë pjesën e mbetur të takimit.

Advertisement

Pas ekzaminimve të kryera ditën e djeshme, lojtarit i është bërë me dije se ka këputje të ligamentit kroçiat të gjurit e për pasojë do ti nënshtrohet operacionit.

Momentalisht sulmuesi ndodhet në Shkodër pranë familjes ku do të qëndrojë disa ditë pushimi për të qetësuar traumën e ligamentit pas goditjes së marrë në fushë.

Advertisement

Më pas pritet që ti nënshtrohet një operacioni në një prej klinikave private të kryeqytetit.

Një ndërhyrje e tillë do të kërkojë të paktën tre muaj rikuperim, çka do të thotë mbyllje e sezonit para kohe për sulmuesin.

Advertisement

Nikaj, i cili ka një kontratë aktive me Skënderbeun edhe për dy sezone të tjera pritet që të rikthehet pranë ekipit vetëm në nisje të përgatitjeve për sezonin e ri. Deri atëhere pritet që talenti shkodran të qëndrojë në vendlindje për të kryer terapitë e fazës së rikuperimit.

Share.

Comments are closed.

Copyright © 2022 Struga.info | Privacy policy