NASA: Një trup qiellor në orbitën e Tokës është një raketë 54-vjeçare

Pinterest LinkedIn Tumblr +

Administrata Kombëtare Aeronautike dhe Hapësinore e SHBA-së (NASA) njoftoi se trupi qiellor në orbitën e tokës është një pjesë e një rakete të lëshuar në Hënë 54 vite më parë.

Në një deklaratë nga NASA thuhet se trupi qiellor që u zbulua në shtator është pjesa e sipërme e raketës Centaur e cila ka transportuar anije Surveyor 2 të dërguar në Hënë në vitin 1966.

Objekti me gjatësi 10 metra dhe gjerësi tre metra është konfirmuar që i përket raketës me teleskopin me infra të kuqe në Hawai.

Astronomi Paul Chodas, një nga ekspertët e NASA-s kishte pretenduar se objekti i cili në fillim ishte klasifikuar si meteor mund të ishte pjesë e raketës Centaur.

Advertisement

Pjesa e raketës hyri në orbitën e tokës dhe filloi të rrotullohet në një drejtim të parregullt duke iu afruar tokës rreth 50.476 kilometra.

Objekti parashikohet se do të dalë nga orbita e tokës në mars të vitit të ardhshëm dhe se do të kthehet në orbitën e tij përreth diellit.

Share.

Comments are closed.

Copyright © 2021 Struga.info | Privacy policy