Nesër të gjithë sytë nga qielli, do shihni super-hënën e fundit për vitin 2023

Hëna e plotë do të shkëlqejë në orët e para të mëngjesit të 29 shtatorit, duke shënuar gjithashtu super-hënën e katërt dhe të fundit të vitit 2023.

NASA njofton se hëna e plotë e shtatorit do të arrijë kulmin e ndriçimit rreth orës 5:58 të mëngjesit të së premtes, por pritet të shfaqet tërësisht e ndriçuar deri të shtunën në mëngjes.

Sikurse shkruan CNN, hëna e plotë e shtatorit do të duket rreth 5% më e madhe dhe 13% më e ndritshme se hëna e plotë mesatare.

Super-hëna më e afërt e vitit ndodhi më 30 gusht, kur Hëna ishte vetëm 221,954 milje (357,200 kilometra) larg Tokës.