Nëse mendoni se keni parë gjithçka kur bëhet fjalë për dizajnet moderne të superjahteve luksoze, vjen një koncept i një mjeti të ri hibrid që do t’iu befasojë.
Jahti 65 metra i gjatë ka një dizajn vërtet unik sa i përket pjesës së jashtme, pasi do të ndërtohet me mure gjigantë xhami. Ai do të ketë 5 pishina, dhe një kinema të hapur.
I projektuar nga studio njujorkeze “Gill Schmid Design” në bashkëpunim me “Lateral Naval Architects”, anija është e pajisur me një motor të ri E-Hybrid, me bateri.
Jahti SEE ka vend për 14 të ftuar dhe 17 anëtarë të ekuipazhit. Përveç pishinave, të ftuarit mund të shijojnë saunën, dhomën e avullit dhe një jakuzi. Kuzhina është e pajisur me elektroshtëpiaket më moderne dhe të gjitha pajisjet që i duhen një shefi kuzhine, si dhomë fermentimi, pajisje për sushi dhe një banak për të shërbyer kafe dhe kokteje.
Projektuesit thonë që ndërtues të ndryshëm kanë shprehur interes për ta bërë realitet këtë superjaht, që mund të ndërtohet brenda 3 viteve nga nisja e punimeve.
