Ajo është një nga zërat më të njohur ndër vite. Një artiste e madhe e skenave shqiptare por jo vetëm, vokali i saj i veçantë është dëgjuar deri në Kinën e largët. Kleopatra Dokle është artisja e cila nuk vjen vetëm po bashkë me bashkëshortin për të rrëfyer historinë e dashurisë e jo vetëm në “Vizionin e Pasdites”.
Në fillimet e njohjes, këngëtarja ishte indiferente, ashtu siç çifti tregon, por më pas bashkëshorti ia rrëmbeu zemrën.
“Kjo bëri një gabim të vockël që më dha mundësinë për ta kapur në grep. Më tha do vish në darkë dhe jo i thashë unë, thjesht për ta provokuar. Si tha jo, por jo i thash që nuk vij, sepse kjo më kishte parë në shfaqje dhe i kisha pëlqyr”, tregon me nota humori Zehrudin Dokle regjisor, aktor, shkrimtar dhe përkthyes.
