Një surprizë shumë e veçantë ka ardhur sot nga Teatri Kombëtar i Operas, Baletit dhe Ansamblit Popullor në një prej pikave kryesore, ku shumë shqiptarë ikin e vijnë.
Aeroporti “Nënë Tereza” u kthe në skenën lëvizëse, ku e gjithë trupa artistike e këtij teatri befasoi përmes një performance pasagjerët që ndodheshin aty.
Rënia e një gongu për të tërhequr vëmendjen, e shfaqja e menjëhershme e një violicenlisti për t’ju bashkuar më pas një nga një të gjithë antarët e tjerë të orkestrës simfonike mblodhën rreth vetes jo vetëm shqiptarët që nddheshin në aeroport por dhe shumë vizitorë të tjerë.
Nën dirigjimin e maestro Jacobo Siparit artistët interpretuan për disa minuta, qoftë për të mirëpritur në tokën e tyre shqiptarët që vinin nga jashtë, por dhe për të përcjelle me një kujtim të bukur nga Shqipëria të gjithë ata qytetarë që kishin zgjedhur të largoheshin nga gjatë kësaj të marte.
Kjo shfaqje surprizë, në ditën e flamurit vjen edhe në kuadër të 70 vjetorit të vënies së operës së parë në skenën e Teatrit Kombëtar të Operës dhe Baletit.
