Qëllimet e vendosura nga presidenti rus Vladimir Putin në fillimin e pushtimit rus duket se janë zbutur gjatë rrjedhës së një lufte që ai supozoi se do të fitohej me shpejtësi, shkruan Paul Kirby, i BBC.
Sipas Kirby, ajo që është e qartë është se ai e sheh këtë si një moment kyç në historinë ruse. Synimi fillestar i liderit rus ishte të pushtonte Ukrainën dhe të rrëzonte qeverinë e saj, duke i dhënë fund planit të Kievit për t’u bashkuar me NATO-n.
Ai i tha popullit rus se qëllimi i tij ishte “çmilitarizimi dhe denazifikimi i Ukrainës”, për të mbrojtur njerëzit që i nënshtroheshin asaj që ai e quajti tetë vjet bullizëm dhe gjenocid nga qeveria e Ukrainës.
“Nuk është plani ynë për të pushtuar territorin ukrainas. Ne nuk synojmë t’i imponojmë askujt asgjë me forcë,” këmbënguli ai.
Por Rusia po vret civilë dhe njerëz të pafajshëm.
Bombardimet vazhdojnë, por raportet e fundit nga bisedimet e paqes sugjerojnë se Rusia nuk po kërkon më të rrëzojë qeverinë dhe në vend të kësaj, po synon një Ukrainë neutral, duke ndryshuar objektivat e tij, nga ato fillestare.
