Petrit Vasili është betuar se asnjë polic nuk do të falet, për dhunën e ushtruar gjatë protestës para Teatrit Kombëtar.
“Betim!
Të gjithë këta që dhunojnë, policë me uniformë qofshin apo cuba policie civile janë tashme të evidentuar qartë.
Këta po dhunojnë Silva Cakën, një grua të re, një nenë të dy femijëve, një juriste, një deputete që ka lënë mandatin për të qenë një qytetare e thjeshtë e për të protestuar kundër vandalëve dhe horrave të qeverisë që shembën teatrin.
Janë fotografuar e filmuar qartë në të gjitha veprimet e tyre prej kafshësh.
Atë që po bëjnë ta presin shumë më keq se aq.
Askush nuk do t’i falë kurrë dhe në asnjë mënyrë.
Ky është Betim”, shkruan Vasili.
Kanë 7 vjet në fakt që betohen, por nuk po mbajnë asnjë.
Betimi më i fundit ishte ai se vetëm nëse kalonin mbi trupat e tyre, Teatri Kombëtar do të prishej.
(TemA)
