Një student universiteti është arrestuar sot me akuza se drejtonte një kult satanik në të cilin abuzoheshin fëmijë dhe detyroheshin të hanin mish njerëzor. Matteo Valdambrini, i arrestuar në Prato, Toskana, është akuzuar me 13 raste abuzimi seksual, skllavëri dhe pornografi fëmijësh.
Valdambrini raportohet se quante veten ‘Il Diavolo’ (Djalli) dhe akuzohet se detyronte anëtarët e kultit të kryenin akte seksuale me të. Ai akuzohet se manipulonte viktimat duke u thënë se abuzimet do t’u jepnin fuqi mbinatyrore “si vampirat apo ujqërit-njerëz.”
Sipas raprotimeve ai ka abuzuar të paktën 13 të rinj, disa me moshë 17 vjeçare, në pyjet e Prato në vitet 2018 e 2019.
I dyshuari studionte në universitetin e Firenze, ndërsa u thoshte viktimave të tij se ishte i zgjedhur për të shpëtuar botën. Ai i zgjidhte viktimat e tij nga njohjet dhe duke kërkuar online për njerëz të dobët.
Satanisti akuzohet se kishte krijuar “ritualin e ringjalljes” ku supozohej se ”mbytej” nga anëtarët e kultit duke pretenduar se kishte vdekur, dhe më pas ngrihej si ‘i ringjallur’.Ai kërcënonte viktimat të mos raportonin për abuzimet dhe i tha një vajze se ajo ose motra e duhet të bënte seks me të ose ndryshe do t’i vdisnin prindërit.
Ai u thoshte gjithashtu viktimave se duhet të bënin seks me të për të larguar demonët.
E përditshmja Corriere raporton se natën e vitit të ri 2018, Valdambrini u tha viktimave të tij se duhet të hanin “mish njerëzor” që ai supozohej se e kishte blerë nga një burrë që shiste trupa në Fiorence. Viktimat ishin detyruar t’i dërgonin atij foto të zhveshura, dhe kjo solli akuzën e pornografisë së fëmijëve për Valdambrini.
Ritualet e sektit përfshinin dhunë fizike dhe kafshime, me të cilat pretendohej ardhja e fuqive të mbinatyrshme.
Hetimet vazhdojnë.
