Një influencues rus, Maxim Lyutyi, është dënuar me tetë vjet burg pasi akuzohet për vdekjen e djalit të tij një muajsh. Lyutyi thuhet se besonte se ekspozimi i foshnjës, të quajtur Kosmos, në rrezet e diellit do t’i jepte atij aftësi mbinjerëzore. Në mënyrë tragjike, foshnja vdiq nga kequshqyerja dhe pneumonia ndërsa po dërgohej me urgjencë në spitalin e Soçit.
Tani, influenceri po përballet me më shumë se tetë vjet në një burg të sigurisë së lartë për “shkaktim të qëllimshëm të lëndimeve të rënda trupore”.
Metro raportoi se Kosmos lindi në shtëpi sepse Lyutyi refuzoi të linte nënën e djalit, Oksana Mironova, të shkonte në një maternitet.
Më pas, Lyutyi nisi një regjim për foshnjën të përqendruar rreth një diete rreptësisht vegane, duke theksuar ushqime të tilla si manaferrat që besohet se rrisin energjinë shpirtërore të trupit.
Një variant më ekstrem, i njohur si “breatharianism”, shkon deri në propozimin që ushqimi mund të merret vetëm nga rrezet e diellit.
Influencuesi dëshironte “të eksperimentonte me fëmijën dhe ta ushqente atë thjesht me diell, dhe më pas t’ua reklamonte të tjerëve se kështu mund të hani”, raportoi media.
Në kohën kur Lyutyi pranoi ta linte djalin e tij të vogël të shkonte në spital, tashmë ishte tepër vonë. Kosmos ishte aq i kequshqyer sa vdiq para se të arrinte atje më 8 mars, raportoi Metro.
Influencuesi më në fund rrëfeu se kishte vrarë djalin e tij kur ai u shfaq në seancën e fundit gjyqësore përpara dënimit të tij këtë javë.
Prokurorët po kërkojnë një dënim me tetë vjet e gjysmë burg dhe një gjobë prej afro 900 paund./vizionplus.tv
