Zyrtarët izraelitë dhe ata nga Katari pritet të takohen sot në Norvegji në përpjekje për të ringjallur bisedimet për lirimin e pengjeve të mbajtura në Gaza në këmbim të armëpushimit dhe lirimit të të burgosurve palestinezë nga burgjet izraelite, shkruan sot gazeta amerikane Wall Street Journal.
Kryeministri i Katarit Mohammed bin Abdulrahman al-Thani pritet të takohet me David Barnea, kreun e agjencisë së inteligjencës izraelite Mossad, në Oslo, sipas raportit të gazetës, duke cituar njerëz të njohur me këtë çështje.
Barnea gjithashtu ka të ngjarë të takohet me zyrtarë egjiptianë, raportoi WSJ.
Pengesat e rëndësishme qëndrojnë në rrugën e rifillimit të negociatave për një marrëveshje të re pengjesh, duke përfshirë mosmarrëveshjet mbi kushtet e mundshme brenda Hamasit; vazhdon raporti, duke cituar njerëz me njohuri për bisedimet.
Gjatë një armëpushimi njëjavor në fund të nëntorit, Hamasi liroi më shumë se 100 gra, fëmijë dhe të huaj që mbante në Gaza në këmbim të lirimit të 240 grave dhe adoleshentëve.
