Ministrja e Jashtme e Gjermanisë, Annalena Baerbock, thotë se rebelimi i Wagnerit gjatë fundjavës tregon se Putini po shkatërron vendin e tij, raporton agjencia e lajmeve Reuters.
“Situata e fundjavës së kaluar përsëri e bën të qartë pikën që unë gjithashtu e thashë në fillim të kësaj lufte, e cila është se kjo luftë e paligjshme agresioni rus nuk është vetëm një sulm kundër Ukrainës dhe rendit tonë reciprok paqësor evropian, por se presidenti rus Putin po shkatërron edhe vendin e tij me këtë luftë”.
Pas kryengritjes së tyre të shkurtër, luftëtarëve të Wagner-it iu dha zgjedhja ose të integroheshin në forcat e armatosura ruse ose të ndiqnin udhëheqësin e tyre, Yevgeny Prigozhin, në mërgim në Bjellorusi.
Së fundmi raportohet se forcat e ushtrisë private janë zhvendosur në Bjellorusi së bashku me udhëheqësin e tyre.
