Tre persona u vranë dhe pesë të tjerë u plagosën në një përleshje të armatosur midis dy grupeve në qytetin më të madh të Turqisë, Stamboll.
Zyra e guvernatorit të Stambollit tha në një njoftim për shtyp se konfrontimi filloi në një kafene në lagjen e zhurmshme Uksudar në anën aziatike të qytetit rreth orës 20:00 me orën lokale.
Një mosmarrëveshje mes dy grupeve u përshkallëzua në një përleshje të armatosur, thuhet në njoftimin për shtyp.
Dy nga të plagosurit janë në gjendje kritike, theksoi zyra, duke shtuar se një hetim për ngjarjen është duke u zhvilluar.
Televizioni turk i lajmeve raportoi se numri i personave të përfshirë ishte rreth 40.
Disa pamje video të qarkulluara në platformën e mediave sociale X treguan policët që rrethonin rrugën për të rritur masat e sigurisë, ndërsa njësitë e hetimit kryenin ekzaminimin e tyre.
