Rusia do te hakmerret nëse Bashkimi Evropian përdor përfitimet nga asetet e ngrira ruse për të blerë armë për Ukrainën. Kështu ka deklaruar zëdhënësi i Kremlinit Dmitry Peskov.
“Natyrisht, ne do të përdorim të gjithë mekanizmat e mundshëm ligjorë, ato që i kemi në dispozicion tani, dhe të gjitha ato që do t’i kemi në dispozicion në të ardhmen. Bazuar në parimin e reciprocitetit, ne do të hakmerremi për këtë, por do të zgjedhim metoda të ndryshme në përputhje me interesat tona”, tha Peskov.
Këto deklarata Peskov i ka bërë para takimit të liderve të BE-së, ku pritet të diskutohet kjo çështje.
Udhëheqësit e unionit synojnë ti përdorin këto asete në mënyrë që të ndihmojnë Ukrainën e cila po përballet me agresionin rus që në vitin 2022./vizionplus.tv.
