Stoltenberg: Anëtarësimi i Ukrainës në NATO gjatë luftës, nuk është në agjendë

Pinterest LinkedIn Tumblr +
Stoltenberg: Anëtarësimi i Ukrainës në NATO gjatë luftës, nuk është në agjendë

Sekretari i Përgjithshëm i NATO-s, Jens Stoltenberg, tha se pranimi i Ukrainës në aleancën perëndimore ushtarake nuk do të ndodhë teksa lufta po vazhdon.

 

Megjithatë, ai tha se Ukraina mund të anëtarësohet në të ardhmen në aleancë.

 

Advertisement

Gjatë një ngjarjeje të organizuar nga Fondi gjerman Marshall në Bruksel, Stoltenberg tha se “ne të gjithë pajtohemi që Ukraina do të bëhet anëtare e aleancës”.

 

Por, ai shtoi se “nuk është në agjendë anëtarësimi [i Ukrainës]në mes të një lufte”.

 

Advertisement

Stoltenberg tha se presidenti rus, Vladimir Putin, ka bërë “dy gabime të mëdha strategjike”, që sipas tij janë nënvlerësimi i “trimërisë” dhe “vendosmërisë” së ukrainasve dhe nënvlerësimi i aleatëve dhe partnerëve të NATO-s.

 

Zyrtarët në Rusi, shtet që ka nisur pushtimin e Ukrainës në shkurt të vitit 2022, kanë deklaruar se Moska e sheh veten të kërcënuar nga anëtarësimi i mundshëm i Ukrainës në NATO.

 

Advertisement

Ndërkaq, udhëheqësit në Kiev kanë thënë se dëshirojnë që në të ardhmen shteti i tyre të bëhet pjesë e NATO-s./rel

Share.

Comments are closed.

Copyright © 2023 Struga.info | Privacy policy