Sulmet izraelite në Rripin e Gazës kanë vrarë 48 palestinezë në 24 orët e fundit, njoftoi Ministria e Shëndetësisë në Gaza të dielën, duke e rritur numrin e përgjithshëm të të vdekurve në 34,097 njerëz.
Të paktën 76,980 njerëz janë lënduar që nga 7 tetori, tha ministria. Një numër palestinezësh janë bllokuar nën rrënojat dhe rrugët e shkatërruara, shtoi ministria, por ekuipazhet e ambulancës dhe të mbrojtjes civile nuk janë në gjendje t’i arrijnë ata.
Shumica dërrmuese e të vrarëve në Gaza janë gra dhe fëmijë, sipas zyrtarëve palestinezë shëndetësorë. Që nga 20 prilli, ministria raportoi:
Të paktën 72% e të vrarëve janë gra dhe fëmijë
Më shumë se 9,100 gra janë vrarë
Më shumë se 14,000 fëmijë janë vrarë
CNN nuk mund të konfirmojë në mënyrë të pavarur numrat për shkak të mungesës së aksesit të mediave ndërkombëtare në Gaza.
