Vaksina e Moderna-s po testohet edhe te foshnjet gjashtë muajshe. Kjo do të jetë prova e parë e këtij lloji që do të përfshijë fëmijë nga 6 muaj deri në 11 vjeç.
Kompanitë e tjera si Pfizer gjithashtu kanë deklaruar se do të testojnë vaksinën tek fëmijët e moshës 5-11 vjeç. Përmes kësaj prove, Moderna synon të zbulojë sesa efektive është vaksina te fëmijët. Si fillim, fëmijët më të mëdhenj do të marrin dozën e parë.
Advertisement
Sapo të merren përshtypjet e para dhe të kuptohen efektet anësore, do të vijohet me vaksinimin e më të vegjëlve. Lajmi për këtë test vjen pasi në fillim të këtij muaji u zbulua se vaksina mund të shkaktojë dhimbje te krahu për fëmijët deri në 11 ditë pas injektimit.
