Një komedian afgan, i njohur për paroditë e tij për talebanët, u ekzekutua nga luftëtarët e grupit të militantëve, pasi u rrëmbye prej tyre nga shtëpia e tij.
Ndonëse ishte përballë tyre, komediani Nazar Mohammad nuk u frikësua aspak dhe vijoi të bënte batuta me ta.
Në një video virale të filmuar në fund të korrikut, Nazar Mohammad, i njohur me emrin e artit Khasha Zwan, shihet në pjesën e pasme të një makine mes dy talebanëve.
Advertisement
Sipas Human Rights Watch, Zwan u vra nga talebanët në fund të korrikut në Kandahar, pasi qyteti ra në duart e xhihadistëve.
Ai ishte i njohur për rutinat e tij ku tallej me talebanët përmes këngës dhe vallëzimit, disa prej të cilave u publikuan dhe në rrjetet sociale.
