“Nga ky vit ne nuk do të jemi të varur nga asnjë vend, do të vendosim vetë sipas parimeve të konkurrencës dhe mundësive shtesë në fushën e furnizimit me energji, me çka do të rrisim sigurinë e vendit tonë dhe do të përshpejtojnë integrimin në BE”.
Këtë e tha ministri i Ekonomisë Kreshnik Bekteshi, i cili mori pjesë në panelin “Investime në tranzicion energjetik dhe infrastrukturë për një mjedis të shëndetshëm dhe të ardhme evropiane”.
Ai theksoi se vënia në përdorim e gazsjellësit Shkup-Selanik është në fazën përfundimtare, gjegjësisht ka marrë licencën për punë dhe mundësinë për t’u shfrytëzuar pas më shumë se një dekade.
Ndryshe, qëllimi fillestar i gazsjellësit ishte bartja e naftës së papërpunuar dhe tani me ndryshimet e fundit në Ligjin për energjinë do të mundësohet bartja e derivateve të naftës përmes tij.
Sipas ministrit, ky vit është shumë i rëndësishëm për RMV-në, sepse që nga pavarësia e e deri më sot, për herë të parë do të jemi plotësisht të pavarur nga pjesa lindore për sa i përket furnizimit me energji, veçanërisht në fushën e gazit natyror.
Bekteshi: Pas ndryshimeve në Ligjin për energjetikë, nuk do të jemi të varur prej asnjë shteti shkruan Telegrafi.