“Qëndrimi i Francës është i qartë dhe nuk është i ri. Të njëjtin qëndrim e ndajnë edhe institucionet tjera evropiane dhe ai është – mbështetje e parezervë për hapjen e negociatave me Maqedoninë e Veriut dhe Shqipërinë sa më shpejt të jetë e mundur”.
Këtë sot e deklaroi ambasadori francez në Shkup Siril Bomgartner, i cili tha se nëse kontesti në mes Shkupit dhe Sofjes zgjidhet, do të jetë nder për Francën që gjatë presidencës së saj të hapen negociatat, përcjell Telegrafi Maqedoni.
Në lidhje me atë nëse mendon se qasja e re në dialogun mes Shkupit dhe Sofjes i jep rezultatet e dëshiruara, ai tha se është një punë në progres, për të cilën është duke u negociuar mes dy vendeve, por se inkurajon që bisedimet të ecin përpara.
Ai nënvizoi se kjo çështje po ndiqet me shumë vëmendje në Evropë, por ky proces aktualisht është dypalësh dhe ritheksoi se presidenca franceze e BE-së po e ndjek këtë çështje, ndërsa inkurajoi se shtoi se si kryesi franceze e BE-së, janë të gatshëm që në një moment të caktuar të marrin përgjegjësi./Telegrafi/
Bomgartner: Do të jetë nder për Francën që RMV t’i hap negociatat me BE-në shkruan Telegrafi.