Ministri i Transportit dhe Lidhjeve, Bllagoj Boçvarski tha se po investohen mbi gjashtë milionë euro për rehabilitimin e rrugës rajonale Hanet e Mavrovës – Zhirovnicë.
Sipas tij, kjo rrugë është ndër rrugët më të dëmtuara dhe është e rëndësishme për banorët e Mavrovës, Dibrës dhe vendbanimeve përreth.
“Mavrova dhe pjesa Reka është një rajon shumë i rëndësishëm ku është e nevojshme të zhvillohet turizmi në të gjitha aspektet por në të njëjtën kohë të përmirësohen kushtet e jetesës së qytetarëve. Angazhimi dhe fokusi ynë kryesor është të sigurojmë kushte më të mira në infrastrukturën rrugore, gjithashtu në fushën e infrastrukturës komunale, për të cilën jemi përgjegjës në mënyrë që të rrisim nivelin e shërbimeve të ofruara nga rajoni. Përveç kësaj rruge, programi i këtij viti i Ndërmarrjes Publike për Rrugët Shtetërore parasheh ndërtimin e një rruge regjionale nga Ura e Qytetit deri te Burimi, pastaj rindërtimin e rrugës nga Ura e Qytetit në Llazaropolë dhe rindërtimin e rrugës tranzit për në Dibër”, deklaroi Ministri i Transportit dhe Lidhjeve Bllagoj Boçvarski.
Ndryshe, rehabilitimi është siguruar nga NP “Rrugët Shtetërore” përfshin rehabilitimin e rrugës dhe tetë urave përreth./Telegrafi/
Gjashtë milionë euro për rahabilitim e rrugës Hanet e Mavrovës – Zhirovnicë shkruan Telegrafi.