Me vendim të nënshkruar nga zv.ministrja e Arsimit në Greqi, Sofia Zahari, në librat grek për shkollën fillore duhet të bëhen korrigjime dhe termi “IRJM (Ish-Republika Jugosllave e Maqedonisë)” të zëvendësohet me “Maqedonia e Veriut”.
Siç njofton AIM, në vendimin e 16 dhjetorit që e publikuan mediumet greke, shkruhet se mbi bazë të dispozitave përkatëse “është vendosur të korrigjohet termi ‘IRJM’ në librat e shtypur dhe digjital të arsimit fillor, në pajtim me dokumentin e bashkëngjitur të Ministrisë së Punëve të Jashtme nën numrin 9382/15-2-2019 në temë: “Marrëdhëniet mes Greqisë dhe Republikës së Maqedonisë së Veriut – zbatimi i Marrëveshjes së Prespës lidhur me emrin dhe terminologjinë e vendit fqinj”.
Korrigjimet duhet të bëhen në shtatë libra, mes të cilëve edhe librat për gjeografi, gjuhë angleze dhe gjermane dhe vendimi u dërgohet shtëpive botuese përgjegjëse për botimin e librave të veçantë shkollorë.
Më 16 dhjetor të vitit 2020, siç kumtuan dje nga MPJ-ja e Maqedonisë së Veriut dhe Greqisë, u mbajt edhe takimi i gjashtë të Komitetit të përbashkët interdisiplinor për çështje historike, arkeologjike dhe arsimore./Telegrafi/
Greqia i korrigjon librat, “IRJM” zëvendësohet me “Maqedonia e Veriut” shkruan Telegrafi.