Kryetari i Shoqatës së Eksportuesve, Alban Zusi e cilëson të papranueshme përqëndrimin e masave të qeverisë për përballimin e krizës, vetem te ndalimi i abuzimit me çmimet.
Në “Quo Vadis, ai u shpreh se kryesore është që të merren masa për të ulur kostot e prodhimit.
“Në një situatë emergjence, siç u krijua një muaj më parë, ku nuk kapnim rritjen e çmimeve, unë edhe e kam justifikuar ndërhyrjen e qeverisë për të ndaluar abuzivizmin. Por, është e papranueshme që të gjitha masat të përqendrohen në këtë pjesë. Në një ekonomi tregu nuk mundet qeveria që të përcaktojë çmimet. Qeveria nuk mund ta përcaktojë çmimin. Çmimin e përcakton tregu, kur marzhin e fitimit, po, mund të ta imponojë për një kohë të caktuar. Kryesorja është që duhen marrë masa për të ulur kostot reale të prodhimit. Ekzistojnë mundësira që të zëvendësohen importet shumë të shtrenjta me prodhimet vendase.”
