Lideri historik i Partisë Demokratike, Sali Berisha nisi sot nga Mallakastra fushatën elektorale për zgjedhjet lokale. Berisha prezantoi kandidatin e demokratëve për bashkinë, Resmi Shano, duke ftuar të gjithë ata që janë kundër qeverisë ta mbështesin në 14 maj.
Por nga Mallakastra lideri i opozitës Berisha kritikoi ambasadoren amerikane në Tiranë Yuri Kim dhe qëndrimin e saj në raport me zgjedhjet.
Sali Berisha
“Pas dy muajsh u bë e gjallë sot, tani po i them nuk ke asnjë të drejtë të flasësh ti për zgjedhjet se ti shkove urove zgjedhjet me të vjedhura. “
Sipas Berishes problemi më i madh që kanë sot shqiptarët është varfëria duke akuzuar kryeministrin Edi Rama për situatën e vështirë ekonomike.
Sali Berisha
Advertisement“Çfarë thotë KLSH, thotë se në vitin 2022 për 9 muaj kanë vjedhur 122 miliardë ndërkohë që fondi i pagave shkon 90 miliardë. Ky nuk rrit rrogat se ky do bredhë me avion charter. “
E gjitha fushata e Sali Berishës do të fokusohet tek ekonomia dhe thirrja kryesore e opozitës është bashkim rreth kandidatëve demokratë.
“Bashkim për të ndryshuar Shqipërinë, bashkim, për tu rikthyer besimin, se Shqipërinë po e varfërojnë hajdutët. Ne duhet t’i përzëmë ata nga pushteti.”
Në Mallakastër Berisha nuk kritikoi vetëm kandidatin e Partisë Socialiste për këtë bashki, por edhe kandidatin e grupimit Alibeaj, Agron Kapllanaj, duke e bërë të qartë se mundësitë për bashkim janë minimale.
“Je kandidat i Lulzim braves dhe Alibashës të cilët janë një sekt ndaj ne të bashkohemi në moralin tonë, në besimin tonë për një fitore të0 shkëlqyer. “
Mallakastra është ndër të paktat bashki ku kandidati i grupimit Alibeaj, Agron Kapllanaj është favorit për bashkinë të cilën e fitoi njëherë në vitin 2015.
