Djali i shoferit të dytë të autobusit që u dogj në një autostradë në Bullgari është shprehur se babai i tij është gjetur i pajetë në kabinën që përdorej për të pushuar.
Në një intervistë të dhënë për mediat bullgare djali i shoferit të dytë të autobusit, që është identifikuar si Kadrim Memedi 54 vjeç ka dhënë detaje në lidhje me gjendjen e trupit të pajetë të tij.
Besari deklaroi për BNT se trupi i babait të tij është gjetur në kabinën e gjumit. Djali ka qenë në Bullgari që të identifikojë trupin dhe është kthyer në shtëpi.
Ai është shprehur se babai i tij ka udhëtuar shpesh në Gjermani dhe Turqi dhe i ka njohur rrugët. Autobusi ka qenë në rregull teknikisht, tha djali i tij. Ai tha se, “Besa Trans” ka shërbim edhe në Turqi. Babai i tij është nisur të enjten ndërsa të premten veç më ka qenë në Turqi.
Ndër të tjera ai thekson se në autobus nuk janë lejuar udhëtarë me bagazhe të rrezikshme, as me mjete piroteknike as me naftë. Autobusët kanë qenë 3 vite në përdorim dhe teknikisht në rregull.
Në listën e të mbijetuarve në aksident, sipas Besarit, ka një person me emrin Shadi Nauf al Saleh i cili nuk është në listën e udhëtarëve të “Besa trans”.
