Gjatë takimit me fermerët në zonën Ana e Malit në Shkodër Berisha sulmoi kryedemokratin Lulzim Basha, duke u shprehur se ai nuk është lider.
Berisha u ndal edhe te dosja e “Toyota Yaris”, ku paralajmëroi Bashën se shumë shpejt do të jetë në pozita krejt tjera.
“Ky është i vetmi politikan me dy hetime ndërkombëtare. Nëse ti, zyrtar, ngrihesh dhe dekonspiron një operacion të policisë belge, gjermane, italiane e shqiptare, ligjet e të gjitha këtyre vendeve të kapin, për bashkëpunëtor. Edi Rama ja mbylli dosjen për dekonspirim, që i hapi prokuroria, por belgët nuk ja mbyllën. Belgët erdhën për së dyti, dhe e patë sa i thartur doli, e vërteta është se herën e tretë ai do jetë në pozita krejt tjera, siç do ta merrni vesh shumë shpejt”, tha Berisha.
