Elektriçisti vdiq duke punuar/ Arrestohet drejtuesi i punimeve të OSSH në Memaliaj

Arrestohet në flagrancë drejtuesi i punimeve të OSSH Memaliaj, për veprën penale “Shkelja e rregullave të mbrojtjes në punë”.

Në pranga përfundoi shtetasi me iniciale A. Zh., 51 vjeç, banues në Memaliaj, me detyrë drejtues i punimeve të grupit të OSSH Memaliaj.

Një ditë më parë gjatë riparimit të linjës elektrike në fshatin Çërrilë, Memaliaj, dyshohet se për shkak të moskryerjes së kontrollit dhe mungesës së monitorimit në punën e elektricistëve, janë dëmtuar dy elektricistë.

Madje njeri prej tyre, Agron Mana ndërroi jetë pas disa orësh, në Spitalin e Traumës në Tiranë.