Prej mbrëmjes së të premtes banorët e lagjes “24 maji” në Vlorë po përballen me praninë e tymit pas zjarrit që përfshiu fushën e mbeturinave të qytetit.
Edhe sot në ditën e 5-të pas zjarrit situata në zonë është e rënduar për shkak të helmeve në ajër.
Banorët thonë se kjo është një situatë e përsëritur sa herë fusha e mbetjeve mbulohet nga flakët, pasi sipas tyre zjarret janë të qëllimshme. Familjet detyrohen të qëndrojnë me dritare të mbyllura , ndërsa disa prej tyre fëmijët i nisin tek gjyshërit në zona të tjera të qytetit për t’i mbajtur larg tymit .
Banorë
AdvertisementKa 40 vite që jetojmë me këto mbeturina. Unë jam 36 vjeç dhe kam gjithë jetën që jetoj kështu. Çdo gjë është katastrofë!
Njerëzit po marrin hotele dhe po rrinë andej që të largohen nga tymi.
AdvertisementFëmijët i çoj nga njerëzit e mi që të rrinë larg kur ka shumë tym
Fëmijët pas shkollës vrapojnë për të mbërritur sa më parë brenda shtëpive për t’i shpëtuar ambientit mbytës.
Prej vitesh banorët e kësaj zone të lagjes “24 maji” në Vlorë bashkëjetojnë me zjarret në fushën e mbetjeve urbane. Kjo situatë nuk ka marrë zgjidhje nga bashkia, edhe pse janë hedhur miliona lekë për administrimin e mbetjeve.