Kreu i grupit të PS, Bledi Çuçi komentoi kaosin e shkaktuar në sallën e seancës plenare nga deputetët e opozitës.
Çuçi për mediat tha se asgjë nuk e justifikon dhunën ndaj institucionit, teksa e cilësoi atë veprim si një shfaqje të shëmtuar.
Advertisement
“Sot ishit dëshmitarë të një shfaqje të shëmtuar. Përpjekje për të zaptuar kuvendin e Shqipërisë. Nuk është mënyra e duhur për të kërkuar të drejtat, apo të bërit politikë në Shqipërinë e NATOs, ndaj mendoj që asgjë nuk e justifikon dhunën ndaj institucionit”, u shpreh Çuçi.
