Në ditën e sotme do të vijojë ndikimi i rrymave ajrore të paqendrueshme, por prej orëve të mesditës më tepër kthjellime. Gjatë mëngjesit në pjesën veriore të vendit parashikohen reshje shiu lokale. Era do të fryjë juglindje-veriperëndim 1 deri 8m/sek. Valëzimi në dete i forcës 3-4 ballë. Temperaturat pritet të regjistrojnë vlerat 10 gradë deri në 26 gradë Celcius.
Rajoni i Ballkanit, në orët e para të mëngjesit, do të vijojë të jetë në ndikim të sistemit frontal, duke sjellë reshje shiu dhe në formën e shtrëngatave. Më tej ky sistem do të spostohet drejt lindjes e gradualisht drejt detit të zi.
Anticikloni i Azoreve i cili po ushtron aktivitetin në brigjet e Atlantikut po sposton gradualisht sistemet frontale drejt verilindjes e lindjes së kontinentit. Kështu Portugalia, Spanja Franca perëndimore dhe i gjithë jugu i Mesdheut do të përfshihet nga mot i qendrueshëm me diell.
