Një 36-vjeçar është arrestuar nga policia ditën e sotme.
Blutë bëjnë me dije se i riu ra në pranga në kuadër të operacionit “Klienti”, ku u kap me armë zjarri në një lokal.
Në cilësinë e provës materiale, 36-vjeçarit iu sekuestrua pistoleta dhe fishekë.
Tiranë/Vijon puna për goditjen e veprimtarisë kriminale në fushën e armëmbajtjes pa leje.
AdvertisementFinalizohet nga Sektori për Hetimin e Narkotikëve në DVP Tiranë në bashkëpunim me Komisariatin e Policisë Nr. 2, operacioni policor i koduar “Klienti”.
Sekuestrohen 1 armë zjarri pistoletë dhe municion luftarak.
AdvertisementVihet në pranga poseduesi.
Shërbimet e Sektorit për Hetimin e Narkotikëve në DVP Tiranë në bashkëpunim me Komisariatin e Policisë Nr. 2, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në rrugën “Isuf Elezi”, në një lokal, ndodhej një shtetas i armatosur, kanë organizuar punën dhe kanë finalizuar operacionin policor të koduar “Klienti”.
AdvertisementSi rezultat i këtij operacioni, u arrestua në flagrancë shtetasi G. N., 36 vjeç, banues në Tiranë, për veprën penale “Mbajtja pa leje dhe prodhimi i armëve, armëve luftarake dhe i municionit”.
Gjatë kontrollit fizik të shtetasit 36-vjeçarit, shërbimet e Policisë i gjetën dhe sekuestruan, në cilësinë e provës materiale, një armë zjarri pistoletë me municion luftarak.
AdvertisementMaterialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
