Prindërit hezitojnë t’i vaksinojnë fëmijët, mbyllet qendra në sheshin “Skënderbej”

Frika nga efektet anësore afatgjata të injeksioneve anticovid duket se ka stepur prindërit për të vaksinuar fëmijët. Këtë fakt e pohojnë edhe vetë bluzat e bardha.

Mbyllja e qendrës së vaksinimit në sheshin “Skënderbej”, e cila ishte pika e dytë më e madhe e fushatës së imunizimit, do të zhvendosë punën tek mjekët e familjes. Këta të fundit sqarojnë se tashmë ky proces do të kalojë në secilën qendër shëndetësore, ku qytetarët janë të regjistruar si për dy dozat e para, edhe për atë përforcuese.

Sa i takon vaksinës së gripit sezonal ka një rritje të interesit kryesisht te moshat mbi 60 vjeç. Vetëm në qendrën shëndetësore 6 në Tiranë, në harkun kohor të një jave kryhen mbi 200 injeksione.