Një 46-vjeçar ka gjetur vdekjen pasditen e sotme duke punuar në një magazinë private në qytetin e Maliqit.
Leonard Ymeri nga fshati Goskovë i Korçës ka qenë duke punuar për riparimin e kësaj çatisë së magazinës kur papritur ka rënë në kontakt me rrymën elektrike, kontakt që ka sjellë një gjendje të rëndë të 46-vjecarit. Me gjithë ndërhyrjen e menjëhershme te personelit të spitalit të Korçës, ai ka gjetur vdekjen sapo ka mbërritur në spital.
Policia ka shoqëruar pronarin e magazinës ku punonte i ndjeri Leonard Ymeri dhe një person tjetër dhe po merren në pyetje për rrethanat e kësaj ngjarje.
“Pasditen e sotme, në bllokun nr. 1, Maliq, shtetasi L. Y., 46 vjeç, banues në fshatin Goskovë, Korçë, duke punuar për rregullimin e çatisë së magazinës në pronësi të shtetasit B. M., ka rënë në kontakt me rrymën elektrike dhe si pasojë e dëmtimeve të marra, ka humbur jetën në spitalin e Korçës.
Në ambientet e Komisariatit ndodhet pronari i magazinës B. M. dhe shtetasi I. Sh., për veprime të mëtejshme”, njofton policia.
Grupi hetimor po punon për sqarimin e rrethanave të ngjarjes./vizionplus.tv
