Rama inspekton “Rilindjen” në Durrës/ 996 apartamente gati për familjet që humbën shtëpitë nga tërmeti

Në lagjen “Rilindja”, në Durrës, kryeministri Edi Rama ishte për të inspektuar punimet për rindërtimin.

996 apartamente, me financim të Emirateve të Bashkuara, janë drejt përfundimit. Aty do të strehohen familjet, shtëpitë e të cilëve u shkatërruan nga tërmeti i katër viteve më parë.

Përveç pallateve të ndërtuara në atë që njihet si ish-zona e Kënetës në Spitallë po punohet edhe për gjithë infrastrukturën mbështetëse.

Përveç njësive të banimit, nga Bashkia e Durrësit po planifikohet edhe ndërtimi i kopshteve, shkollave dhe qendrave shëndetësore.

Pas pesë vitesh tha Rama kur edhe familjeve t’iu jenë dorëzuar çelësat e apartamenteve, “Rilindja” do të shndërrohet në një nga lagjet model për nga funksionimi në qytetin e Durrësit.