Sistemi TIMS është rikthyer, por ai nuk funksionon ende me kapacitet të plotë.
Ministria e Brendshme bëri të ditur se ngërçi me pikat doganore të Greqisë është kaluar.
Nderkohe ne oren 14:00 te kesaj te diele eshte normalizuar situata edhe ne Qafe Thane duke qene se edhe ne kete pike doganore eshte kthyer funksional sistemi TIMS. Tanime te vetmet pika me Maqedonine e Veriut ku punohet me regjistra jane Tushemishti dhe Gorica e Madhe.
Por qytetarët që kalojnë kufirin drejt Maqedonisë së Veriut, po përballen me probleme për shkak të paralizimit të shërbimeve që ofron sistemi.
E njëjta situatë është edhe në portet kryesore të vendit: konkretisht në Durrës dhe Vlorë, regjistrimi i qytetarëve që kalojnë kufirin drejt Italisë është kryer manualisht.
Ndërkohë që sipas Kapitenerisë pritet që në mbrëmje të niset një traget drejt Brindisit .
Autoritetet bënë me dije se sistemi është rikthyer në pikën kufitare të Kakavijës e Kapshticës.
Ndërkaq në pikat kufitare me Malin E Zi, në Hanin e Hotit dhe Muriqan, ndonëse problemet e sistemit janë rregulluar qytetarët ankohen për radhë të shtuara.
Po ashtu edhe në Morinë, në kufirin me Kosovën situata është normale.
Pas më shumë se 24 orë nga sulmi kibernetik i Iranit, sistemi TIMS është rikthyer në normalitet në 7 pika kufitare të vendit.