Një 62-vjeçar ka rënë në prangat e policisë së Prrenjasit.
Të moshuarit gjatë kontrollit fizik dhe kontrollit në banesë, iu gjet lëndë narkotike kanabis e ndarë në doza, gati për shitje.
Dozat e lëndës narkotike, ky shtetas i ndante në banesë dhe më pas i shiste në lagje të ndryshme në Prrenjas.
Falë megaoperacionit policor të koduar “Tempulli” u arrestua në flagrancë shtetasi M. K., 62 vjeç, banues në Prrenjas.
Gjithashtu, gjatë kontrollit në banesën e këtij shtetasi, kanë gjetur një tjetër sasi lënde narkotike kanabis të ndarë në doza. Lënda narkotike, një shumë parash dhe 3 celularë u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
