Veliaj pret Volfgang Sobotkan/ “Tirana është një kryeqytet magjepsës”

Kryetari i Bashkisë së Tiranës, Erion Veliaj, priti në një takim drejtuesin e Parlamentit të Austrisë, Volfgang Sobotka.

Veliaj tha se Austria është një prej vendeve që e ka mbështetur Shqipërinë më fort në rrugën e saj të integrimit drejt Bashkimit Europian.

ERION VELIAJ

 

KRYETAR I BASHKISE SE TIRANES

 

Advertisement

Unë besoj gjithmonë e më shumë që Viena është kryeqytet jo vetëm i Austrisë, por është kryeqyteti i gjithë Europës. Në këtë sens, parlamenti austriak është kyç për të promovuar dhe për të qenë një zë konstant për të advokuar për të gjithë rajonin tonë. Sigurisht, për ne është një privilegj. Kemi qenë një vend me problematika, sot jemi vendi më stabël në rajon. Unë besoj se gjithmonë e më shumë, ky shembull i Shqipërisë që prodhon stabilitetin, prodhon turizëm dhe aktivitete dhe nxjerr reputacionin e mirë të Ballkanit, është ndoshta mënyra më e mirë si mund të afrohemi më shumë në Europë.

Nga ana e tij, Kryetari i Parlamentit të Austrisë, Volfgang Sobotka, u shpreh i impresionuar nga kryeqyteti shqiptar.

VOLFGANG SOBOTKA

 

KRYETAR I PARLAMENTIT TË AUSTRISË

 

Advertisement

Tirana është një kryeqytet magjepsës. Është rritur shumë në vitet e fundit dhe ka një kryebashkiak të jashtëzakonshëm, i cili është rizgjedhur për herë të tretë dhe që nuk është e zakontë, veçanërisht në Ballkan, por gjithashtu edhe në Europë. Edhe do të thoja se njerëzit e vlerësojnë punën e tij, është mendjehapur dhe mendoj që e shijon profesionin e tij. Kjo është më e rëndësishmja për një politikan, për të mos qenë fytyrëngrysur, për të mos thënë sesi po mban barrën tuaj në shpatullat e tij, apo se sa e vështirë që është.

Teksa i dhuroi Kullën e Sahatit, si një simbolikë e mikpritjes së Tiranës, Veliaj tha se Viena, si një kryeqytet i Europës, ka kontribut të madh në shndërrimin e Shqipërisë në një vend të qëndrueshëm në rajon.