Zgjedhja e Presidentit/ Mediu: Nuk e besoj Ramën por dua t’i besoj Kushtetutës

Fatmir Mediu ka deklaruar se nuk i beson kryeministrit Rama përsa i përket procesit të zgjedhjes së Presidentit të ri por procesit dhe Kushtetutës.

I ftuar në edicionin e lajmeve në “Vizion Plus”, Mediu tha se Kushtetuta e ka parashikuar qartë procesin e zgjedhjes dhe se Presidenti duhet të jetë mbi palët.

Nga ana tjetër Mediu tha edhe që vendosja për Presidentin e ri duhet të jetë akt i të dyja palëve politike, si maxhorancës edhe opozitës.

Ndërsa propozimin që kandidati të mos jetë nga rradhët e politikës, Mediu e konsideroi sa hipokrit edhe qesharak.

“Diskutim që nuk ka vlerë pasi nuk i përjashton Kushtetuta. Politika del duke goditur veten e vetë. Sa hipokrite dhe qesharake” –tha kreu i PR.