Dua Lipa tregon historinë e gjyshit të saj: E pushuan nga puna se s’pranoi kërkesën e serbëve

Pinterest LinkedIn Tumblr +

Këngëtarja me origjinë shqiptare, Dua Lipa është shfaqur së fundmi në numrin e ri të revistës “Rolling Stone” Gjatë intervistës, Dua nuk ka lënë pa përmendur edhe vendlindjen e saj, Kosovën, duke folur për momentet e tmerrshme që prindërit e saj kanë përjetuar nga serbët duke i detyruar të largohen për në Mbretërinë e Bashkuar.

Në këtë intervistë, është prekur edhe gjyshi i saj, historiani Seit Lipa, i cili dikur ishte edhe Drejtor i Institutit të Historisë në Prishtinë. Dua ka kujtuar se si gjyshi i saj u pushua nga puna nga serbët, kjo pasi nuk pranoi të rishkruante duke falsifikuar historinë ashtu siç kërkuan ata.

“Gjyshi im nga ana e babait tim po shkruante libra për gjithçka që po ndodhte. Kur ndodhi okupimi, forcat serbe kërkuan që ai të rishkruajë historinë. Ai nuk pranoi dhe ai humbi punën e tij. Kështu që është pjesë e asaj që unë jam dhe qëndroj pranë gjërave në të cilat besoj”, u shpreh Lipa për “Rolling Stone”./ Living

Advertisement
Share.

Comments are closed.

Copyright © 2021 Struga.info | Privacy policy