![Megan Fox, një nga gratë më të bukura në botë, flet për pasiguritë që ka me pamjen e saj: “Nuk e kam dashur kurrë trupin tim”](https://www.vizionplus.tv/wp-content/uploads/2023/05/230219154731-megan-fox-file-062722-restricted-600x400.jpg)
Ajo mund të konsiderohet si një nga femrat më të bukura në Hollywood, por kjo nuk do të thotë se ajo ndihet e tillë. Megan Fox, aktorja e njohur e “Transformers”, ka pozuar së fundmi për kopertinën e revistës “Sports Illustrated”, ku ndër të tjera ka zbuluar se nuk e ka dashur kurrëtrupin e saj dhe se vuan nga çrregullimi trupor dismorfik. “Unë kurrë nuk e shoh veten ashtu siç më shohin të tjerët. Nuk ka pasur një moment në jetën time që ta kam dashur trupin tim. Kurrë, kurrë”- tha ajo.
Kjo nuk është hera e parë që Fox flet hapur për problemet me trupin. Në një intervistë të përbashkët me Machine Gun Kelly në “British GQ Style” në tetor të vitit 2021, ajo tha: “Unë kam shumë pasiguri të thella. Mendoj se ose e futa veten, ose i lejova njerëzit e tjerë të më fusin në këtë kuti të çuditshme që nuk më përshtatet, aty ku nuk e kisha jetuar jetën time si vetja për një kohë të gjatë. Trupi im dukej sikur i përkiste familjes sime, apo Hollywood-it.”/Living/