Mbretëresha Elizabeth, u kthye në sediljen e shoferit, vetëm disa ditë pasi u urdhërua nga mjekët, të pushonte për shkak të shqetësimeve të saj të fundit shëndetësore.
Monarkja 95-vjeçare, e cila u detyrua të anulonte një sërë ngjarjesh mbretërore pasi u shtrua në spital për një problem shëndetësor të paspecifikuar, u pa duke drejtuar Jaguar-in e gjelbër rreth pronës së saj në Windsor të hënën.
E veshur me syze dielli dhe një shami, Madhëria e Saj dukej se ishte në gjendje të mirë mbi timon, ndërsa ngiste e vetme.
Mbretëresha më jetëgjatë në botë ngjalli shqetësime për shëndetin e saj kur u zbulua se kaloi natën e 20 tetorit në një spital në Londër për analiza. Buckingham Palace nuk ka zbuluar se çfarë po e mundon atë, duke theksuar se nuk është COVID-19.
Pallati të premten tha se mjekët urdhëruan Mbretëreshën të pushonte të paktën edhe dy javë./ Living
