Kina lëshoi më në fund me sukses raketën ”Long March 8” në hapësirë për herë të parë, pjesët të së cilës, të tilla si shtytësit, mund të ripërdoren në të ardhmen.
Kina e shtyu dje lëshimin e raketës për shkak të motit të keq.
Raketa modulare, e gjatë 50 metra, u ngrit nga Qendra Hapësinore ëenchang në ishullin jugor kinez Hainan, duke mbajtur disa satelitë më të vegjël për t’u lëshuar në hapësirë.
Një pjesë tjetër që duhet ripërdorur në të ardhmen përfshin fazën e parë të raketës e cila mund të ulet vertikalisht përsëri në Tokë një ditë pas lëshimit.
”Long March 8” ka një kapacitet ngarkese midis 2.8 dhe 5 tonë, në varësi të orbitës që synon.
Menjëherë pas ngritjes, qendra e kontrollit njoftoi se fluturimi po vazhdonte normalisht dhe se përpjekja e parë e ngritjes kishte qenë “një sukses i plotë”, siç raportohet në televizionin shtetëror.
