Dremitja për më shumë se një orë në drekë mund t’ju shkaktojë sëmundje të zemrës dhe madje edhe vdekje të hershme, thotë një studim i ri. Studiuesit zbuluan se gjumi i drekës shoqërohet me një rrezik 30% më të lartë të vdekjes në moshë të re.
Gjithashtu, ekziston rreziku 34% më i lartë për të vuajtur nga sëmundje kardiovaskulare, kjo krahasuar me pagjumësinë. Këto gjetje bien në kundërshtim me mendimet se të flesh në drekë është një aktivitet i padëmshëm. Madje disa thonë se përmirëson produktivitetin.
Por zbulimet e fundit nga shkencëtarët kinezë. që do të paraqiten në Kongresin e Shoqatës Evropiane të Kardiologjisë, sugjerojnë që gjumi për më shumë se 60 minuta mund të jetë i rrezikshëm.
Autori i studimit, Dr. Zhe Pan, nga Universiteti Mjekësor Guangzhou, tha: “Zgjimi i ditës është i zakonshëm në të gjithë botën dhe përgjithësisht konsiderohet një zakon i shëndetshëm. Një pikëpamje e zakonshme është se dremitja përmirëson performancën. Studimi ynë sfidon këto mendime.”
Studimi i ri gjithashtu mori parasysh edhe kohëzgjatjen e gjumit gjatë natës.
Kur merrej në konsideratë gjumi i natës, atëherë rreziku i vdekjes rritej tek ata që flinin më shumë se gjashtë orë në natë.
“Rezultatet sugjerojnë që dremitjet më të shkurtra – veçanërisht ato më pak se 30 deri në 45 minuta – mund të përmirësojnë shëndetin e zemrës tek njerëzit që flenë mjaftueshëm gjatë natës”, tha Dr. Pan.
Arsyet pse dremitja ndikon në trup janë ende të pasigurta, tha Dr. Pan, por disa studime kanë sugjeruar që gjumi i gjatë i drekës është i lidhur me nivele më të larta të inflamacionit, i cili është i rrezikshëm për shëndetin e zemrës dhe jetëgjatësinë.
Kërkime të tjera kanë lidhur dremitjen me presionin e lartë të gjakut, diabetin dhe shëndetin e dobët të përgjithshëm fizik.
Nëse flini më shumë se një orë në drekë, rrezikoheni të vdisni të rinj shkruan Vizion Plus.
