Në internet kanë filluar të qarkullojnë pamjet e para të skicave të iPhone 14 edhe pse jemi ende disa muaj larg prezantimit të modelit të radhës.
Produkti i ri flitet se do të jetë i gjithi prej xhami dhe i përthyer në cepa duke i dhënë formë të njëtrajtshme nga të gjitha anët.
Kjo do të bëjë që në telefonin e ri të ketë më shumë hapësirë por gjithsesi nuk do të ndryshojnë përmasat e telefonit.
Në iPhone 14 në të njëjtën kohë mund të prekni çdo cep të telefonit dhe ta përdorni atë për disa funksione.
Njëra anë e celularit mund të përdoret për të mbajtur shënime, për shembull, ndërsa me anën tjetër mund të flisni në telefon pa e bllokuar ekranin tuaj.
Patenta, e zbuluar nga Patently Apple, u dha nga Zyra e Patentave dhe Markave të SHBA-së dhe u regjistrua si markë më 16 nëntor dhe të gjitha specifikimet deri në detajet më të vogla si butonat apo edhe modelet e reja të orës Apple Watch apo kompjuterave Mac prej xhami janë bërë publike.
Pajisja do të dukej sikur është formuar nga një copë xhami e vetme.
Nuk është e qartë se kur telefoni do të dalë në treg pasi një patentë në të vërtetë nuk garanton që një produkt do të prodhohet.
