Një inxhinier i kompanisë së avionëve Boeing do të dalë përpara Senatit të SHBA-ve, pasi ka shprehur shqetësimin e tij se avionët e kompanisë mund të shpërthejnë në ajër.
Inxhinieri Sam Salehpour, ka ngritur shqetësime për 787 Dreamliner, shqetësime të cilat u refuzuan nga kompania Boeing.
Në një intervistë për NBC News, inxhinieri shprehu frikën e tij se nëse problemet strukturore nuk analizohen dhe rregullohen, avioni mund të “përplaset në tokë” .
I pyetur nëse do ta vendoste familjen e tij në një nga avionë 787, inxhineri Selafur u përgjigj: ” Për momentin, nuk do ta bëja.”
Kompania është nën vëzhgim nga autoritetet amerikane pas një sërë incidentesh sigurie. Rasti i fundit dera që u hap gjatë një fluturimi në janar, shkruan BBC.
Administrata Federale e Aviacionit (FAA) po heton pretendimet e Salehpour, të cilat u raportuan javën e kaluar nga New York Times.
Nga ana e saj, kompania Boeing kundërshtoi pretendimet e inxhinierit.“Pretendimet për integritetin strukturor të 787 janë të pasakta . Çështjet e ngritura i janë nënshtruar një rishikimi rigoroz inxhinierik nën mbikëqyrjen e FAA”.
Kompania shpjegoi gjithashtu se 99% e boshllëqeve janë në nivel standard./vizionplus.tv/
