Kryeministri grek Kyriakos Mitsotakis pritet të zhvillojë një vizitë në Ukrainë ditën e sotme, përpara se të udhëtojë në Bukuresht për takimin e Partisë Popullore Evropiane.
Mitsotakis pritet të takohet me presidentin ukrainas Volodymyr Zelensky në Odessa.
Sipas medieve greke, do të jetë një vizitë shumë simbolike. Burime qeveritare deri më tani nuk e kanë konfirmuar lajmin, me sa duket për arsye sigurie sipas praktikës standarde dhe as nuk e kanë mohuar informacionin.
Më pas Mitsotakis do të shkojë në Bukuresht, për të marrë pjesë në konferencën e Partisë Popullore Evropiane, në prag të zgjedhjeve evropiane.
Në Kongres, krerët e shteteve dhe qeverive dhe krerët e partive të qendrës së djathtë që shërbejnë si opozitë zyrtare pritet të mbështesin kandidaturën e Ursula von der Leyen në emër të PPE për një mandat të dytë si president i Komisionit Evropian.
Udhëheqësit do të kenë mundësinë të shkëmbejnë mendime mbi sfidat me të cilat përballet e gjithë Evropa, si pushtimi rus i Ukrainës, mbrojtja evropiane, rritja e kostos së jetesës, veprimi i forcave populiste dhe ekstremizmi./vizionplus.tv
