Prokuroria Themelore Publike e Maqedonisë informon se ka marrë vendim për largimin nga funksioni për një prokuror nga Prokuroria e Shkupit derisa vazhdon procedura disiplinore që është ngritur ndaj tij.
Nga PTHP thonë se ai dyshohet se ka kryer veprën – Shkelje e rëndë disiplinore nga neni 91, paragrafi 1, alinea 8 e Ligjit për prokuror publik, përcjell Telegrafi Maqedoni.
“Gjatë mbikëqyrjes së jashtëzakonshme nga Prokuroria e Lartë Publike në Shkup, është konstatuar se prokurori publik në një pjesë të konsiderueshme të lëndëve që i janë caktuar nuk ka ndërmarrë veprimet e nevojshme në pajtim me Ligjin për procedurë penale për të bërë një prokurori publik meritor”.
“Nga fillimi i aplikimit të Rregullores së re për mënyrën e zhvillimit të procedurës për përcaktimin e përgjegjësisë së prokurorit publik për shkelje disiplinore, e miratuar më 18.05.2021, kjo është procedura e pestë disiplinore e iniciuar për një prokurori publik”.
“Në katër procedurat tjera, vendim për largim nga detyra është marrë edhe për një prokuror publik nga Prokuroria Themelore Publike në Tetovë, është shqiptuar masë disiplinore për prokurorin publik nga PTHP-ja në Manastir – ulje e pagës me 20% për katër muaj për një prokuror publik nga Prokuroria Themelore Publike në Resnjë është shqiptuar masë disiplinore zbritje e pagës në shumë prej 30% për një periudhë prej katër muajsh, ndërsa procedurë kundër një prokurori publik nga Prokuroria Themelore Publike në Ohër është në vazhdim. Procedura ankimore e tre prokurorëve të tjerë publik është duke vazhduar para Këshillit të Prokurorëve Publikë, për të cilët masat disiplinore janë shqiptuar në procedurë disiplinore të zhvilluar sipas Ligjit të vjetër për Prokurorinë Publike dhe Rregullores së mëparshme të vlefshme”, thuhet në njoftimin e PTHP-së.
Ngritet procedurë disiplinore ndaj një prokurori nga Shkupi, nuk ka vepruar në lëndët që i janë shpërndarë shkruan Telegrafi.