Policia e Maqedonisë gjatë protestës së sotme të opozitës maqedonase, ndaloi katër persona të cilët hodhën gurë, vezë dhe sende të forta në godinën e Kuvendit, si formë revolte kundër propozimit francez.
Protesta ka nisur pikërisht në mesditë, ndërsa tashmë para Kuvendit ka një grup më të vogël qytetarësh, por siguria policore është shtuar dukshëm.
Në protestë të pranishmit u shfaqën me pankarta “Maqedonasit ende po luftojnë për drejtësinë e tyre”, “Duam liri, nuk duam protektorat”, “Stop bullgarizimit”, ndërsa disa prej tyre shprehën pakënaqësinë e tyre me fishkëllima dhe duke hedhur vezë, gurë dhe sende të forta në objektin e Kuvendit.
Kujtojmë se protestat gjatë ditës së sotme ndërruan termin dhe filluan në mesditë për faktin që në atë kohë mbajti fjalim në kuvend edhe kryetarja e Komisionit Evropian, Ursula von der Leyen.
The post Policia ndalon katër persona nga protesta në Shkup appeared first on Telegrafi.
