Reshjet e shumta të ditëve të fundit, si edhe temperaturat e pazakonta për stinën e pranverës po rrezikojnë prodhimin e mjaltit për të gjithë bletërritësit në Korçë.
Ata thonë se lagështia ka sjellë mungesë të ëmbëlsisë së polenit në lulet e drufrutorëve dhe jo vetëm.
Në kushte të tilla prodhimi nuk do të jetë ai i pritshmi.
KLEDIAN KOSTURI
AdvertisementBLETERRITES
Kjo vjen për shkak të mungesës së ëmbëlsisë së polenit në lulet e drufrutorëve dhe jo vetëm. Në mungesë të ëmbëlsisë në lulet, kolonitë e bletëve gjatë gjithë kësaj periudhe nuk kanë dalë në kullotë.
Edhe për specialistin Arben Dulellari kjo situatë e pazakontë me reshje kaq të shumta ka sjellë shpëlarjen e luleve e për rrjedhojë ka më pak ushqim për bletën.
ARBEN DULELLARI
AdvertisementSPECIALIST
Bletërritësit të shtojnë sasinë e ushqimit për bletën për sa kohë kemi situata të tilla atmosferike.
Në juglindje ka më shumë se 52 mijë familje bletësh, e pjesa më e madhe e tyre janë të vendosura në Korçë dhe Devoll.
